Maqedonia i bashkohet festimit të natës Evropiane të studiuesve 2026

Këtë vit, Maqedonia iu bashkua kremtimit të natës Evropiane të Studiuesve, e cila realizohet përmes veprimeve “Marie Skłodovska-Kiri” të programit horizonti Europë. Qëllimi i iniciativës është të rrisë ndërgjegjësimin për rëndësinë e shkencës, e cila është një nga shtyllat e zhvillimit të përgjithshëm të shoqërisë dhe botës në tërësi.

Iniciativa u iniciua nga tre universitete shtetërore: “Shën Kirili dhe Metodi” – Shkup, “Goce Delçev” – Shtip, “Shën Kliment Ohridski” – Manastir, Akademia e shkencave dhe arteve të Maqedonisë, shoqata Ekologjike Maqedonase dhe Qendra Kombëtare për Zhvillimin e Inovacionit dhe Mësimit Sipërmarrës, me mbështetetje nga Ministria e Arsimit dhe Shkencës dhe Dhoma e Tregtisë.

Në një aktivitet në Fakultetin e Inxhinierisë Mekanike në Shkup, i cili është pjesë e programit për të shënuar natën Evropiane të studiuesve, ministrja e arsimit dhe shkencës, Prof. Dr. Vesna Janevska, shprehu kënaqësinë që vendi po kontribuon në promovimin global të aktivitetit shkencor dhe kërkimor, duke vënë në dukje se për qeverinë, investimet në këtë fushë janë një përparësi e lartë në programin e punës.

“Nëse në vitin 2024 gjetëm një buxhet prej 380 milionë denarësh për shkencën, vitin e kaluar parashikuam 680 milionë denarë, ndërsa këtë vit kemi 773 milionë denarë për të mbështetur institucionet kërkimore shkencore, komunitetin akademik dhe shkencor në vendin tonë.”
Do t’ju kujtoj se vitin e kaluar financuam rreth 50 projekte kërkimore shkencore në universitete, në ASHAM dhe në komunitetin e biznesit që janë në përputhje me qëllimet e strategjisë së Specializimit të Mençur të vendit, dhe gjithashtu siguruam qasje falas në bazat e të dhënave shkencore të ” Web of Science ” dhe ” Scoopus “. Kemi një koncept fillestar për hapjen e një parku shtetëror shkencor dhe teknologjik. Gjithashtu kemi zhvilluar zgjidhje të reja ligjore për arsimin e lartë dhe aktivitetet shkencore dhe kërkimore që shpresojmë se do të kalojnë filtrin parlamentar së shpejti”, tha Janevska.

Gjithashtu theksoi se në periudhën e kaluar, ministria u mor me disa të ashtuquajtura institute shkencore private që në fakt nuk vepronin në fusha shkencore, por ishin të regjistruar si të tilla në regjistrat zyrtarë, me qëllim që t’u jepte hapësirë atyre që besojnë vërtet në fuqinë e shkencës.
” Ne jemi të përkushtuar ndaj kësaj axhende dhe besoj se kërkimi shkencor do të zhvillohet, dhe do të bëhet popullor midis të rinjve dhe do të mbetet një shtyllë e prosperitetit kombëtar”, shtoi Janevska.

Ngjarja në Fakultetin e Inxhinierisë Mekanike në Shkup parashikon mbajtjen e disa punëtorive, vizitave laboratorike, prezantimeve, ekspozitave të projekteve kërkimore studentore dhe shkencore, si dhe aktiviteteve të tjera interaktive.