Dejan Jovanov mbetet në paraburgim, transferohet në Shutkë për hetimin e ri për ryshfet

Gjykata Penale në Shkup i ka caktuar 30 ditë paraburgim Dejan Jovanovit – Deko, i akuzuari i parë në rastin e zjarrit në diskotekën “Puls” në Koçan, këtë herë në kuadër të një hetimi të ri për dhënie ryshfeti.

Paraburgimi aktual për rastin “Puls” përfundon më 3 tetor, kur skadon afati ligjor njëvjeçar. Megjithatë, Prokuroria për Ndjekjen e Krimit të Organizuar dhe Korrupsionit ka hapur hetim të ri ndaj Jovanovit, nën dyshimin se ka dhënë ryshfet për sigurimin e licencës, ndonëse objekti dyshohet se nuk i plotësonte kushtet.

Gjykata e arsyetoi masën e re me rrezikun e arratisjes dhe mundësinë e ndikimit mbi dëshmitarët.

Nga 3 tetori, Jovanov do të transferohet nga Burgu i Kumanovës në Burgun “Shkup” në Shutkë, ku do ta vuajë masën e re të paraburgimit.

Mbrojtja ndërkohë ka tërhequr propozimin për garanci prej rreth 200 mijë eurosh në pasuri të paluajtshme.
Burimi: plusinfo.mk/Gjykata Penale.