Tetovari kapet me 15 paketime marihuanë, ngrihet kallëzim penal ndaj 20-vjeçarit

SPB Tetovë ka ngritur kallëzim penal kundër F.N. (20) nga fshati Pallaticë, Komuna e Zhelinës, nën dyshimin për veprën penale “prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve”, raporton Tetovasot.

Sipas Policisë, më 5 tetor 2026, gjatë një kontrolli në fshatin Pallaticë, zyrtarët policorë kanë gjetur dhe sekuestruar 15 paketime me marihuanë.

“Pas dokumentimit të rastit është ngritur kallëzim penal ndaj të dyshuarit,” njofton MPB.