Stojançe Radiçevski voton në Bërvenicë, u bën thirrje qytetarëve të shfrytëzojnë të drejtën e votës

Kandidati i VMRO-DPMNE-së për kryetar të Komunës së Bërvenicës, Stojançe Radiçevski, ka votuar sot në raundin e dytë të zgjedhjeve lokale.

Pas votimit, ai u ka bërë thirrje të gjithë qytetarëve të komunës që të shfrytëzojnë të drejtën e tyre demokratike për të votuar, lirshëm dhe në përputhje me bindjet e tyre, përcjell TS.

“Ta kalojmë ditën zgjedhore në një atmosferë demokratike dhe dinjitoze, me respekt të ndërsjellë dhe respektim të vullnetit të lirë të çdo qytetari”, ka shkruar Radiçevski.