Ukrainë, rusët vijon sulmet, të paktën tre viktima dhe mbi 50 të plagosur

Të paktën tre persona kanë vdekur dhe më shumë se 50 të tjerë janë plagosur si pasojë e sulmeve ruse në dy qytete të Ukrainës, Zaporizhia dhe Odesa, të premten. Mes të plagosurve ka edhe gjashtë fëmijë, ndërsa viktimë e sulmeve ka mbetur edhe një shpëtimtar, i cili humbi jetën gjatë operacionit për largimin e rrënojave.

Forcat ruse shënjestruan qytetin juglindor të Zaporizhias dhe portin strategjik të Odesës, në Detin e Zi, duke shkaktuar viktima dhe dëme të konsiderueshme në ndërtesat e banimit.

Në Zaporizhia, një ushtar u vra gjatë operacionit të kërkim-shpëtimit, pasi një pllakë betoni u shemb mbi të teksa ekipet po punonin për largimin e rrënojave.

Guvernatori rajonal, Mikhail Semikin, njoftoi përmes Telegramit se më shumë se 50 persona janë plagosur nga sulmi, përfshirë gjashtë fëmijë.

Operacionet e shpëtimit u zhvilluan në kushte veçanërisht të rrezikshme, pasi ndërtesa kishte pësuar dëme të rënda strukturore nga goditjet ruse.