Kasami i ndau Osmanit çmimin ‘Çelësi i Qytetit të Tetovës’

Presidentja e Kosovës, Vjosa Osmani po qëndron për një vizitë zyrtare në Maqedoninë e Veriut. Ajo sot u mirëprit nga Kryetari i Komunës së Tetovës, Bilall Kasami.

Kasami, Osmanit i ndau çmimin “Çelësi i Qytetit të Tetovës”, ndërkaq e para e shtetit të Kosovës i dhuroi Kasamit hartën e Kosovës të punuar me gurët e “Trepçës”.

Osmani sot gjithashtu ka marrë pjesë në një ceremoni inaugurimi të një rruge me emrin e ish-presidentit Ibrahim Rugova në Shkup.

Bashkë me Osmanin e pranishme shihet se ka qenë edhe vajza e ish-presidentit Rugova, Teuta.