Aksion i madh policor, po arrestohet në katër qytete të vendit

Sot në orët e hershme të mëngjesit, nën udhëheqjen e një prokurori publik nga Prokuroria Themelore Publike për Ndjekjen e Krimit të Organizuar dhe Korrupsionit, Administrata e Policisë Financiare me asistencën e njësive të MPB-së në disa lokacione në Negotinë, Kavadar, Manastir dhe Ohër po kryen kontrolle dhe ndalim të personave të dyshuar.

Aksioni është rezultat i një procedure para hetimore, me emrin e koduar “Zinxhir”, për krime kundër financave publike, transaksioneve të pagesave dhe ekonomisë, të cilin prokuroria e ka zhvilluar me Drejtorinë e Policisë Financiare dhe hetues të Qendrës Hetimore të Prokurorisë Themelore Publike për Ndjekjen e Krimit të Organizuar dhe Korrupsionit.

Pas përfundimit të aksionit, prokuroria do të japë informacion të detajuar për rastin.