Mbi 3.600 fëmijë janë vaksinuar ose u është caktuar termin përmes fushatës “Nga dera në derë”

Mbi 3.600 fëmijë janë vaksinuar në shtëpitë e tyre ose u është caktuar termin për vaksinim dhe janë shpërndarë mbi 7.500 materiale informative, në kuadër të fushatës së përbashkët të Ministrisë së Shëndetësisë dhe Organizatës Botërore të Shëndetësisë, me mbështetjen e Bashkimit Evropian, të titulluar “Derë më derë”.

Siç informuan sot nga Ministria e Shëndetësisë, në kuadër të kësaj fushate janë vaksinuar në shtëpitë e tyre me vaksinën e gripit sezonal edhe 2.630 qytetarë mbi 65 vjeç, të cilët nuk kanë mundur të kenë qasje deri te pikat e imunizimit. Për ta është siguruar edhe një rivaksinim bivalent për Kovid-19.

“Në këtë fushatë u përfshinë 30 ekipe mjekësore nga shtëpitë e shëndetit. Janë vizituar gjithsej 221 vendbanime rurale dhe 79 vendbanime urbane, pra gjithsej 3.867 shtëpi në të gjithë vendin”, shtojnë nga MSH.