Milloshoski: Pendarovski e relativizoi pozitën në të cilën na solli Qeveria, është fjalimi i fundit i tij

Deputeti Antonio Milloshoski nga VMRO-DPMNE vlerësoi se fjalimi i sotëm i presidentit Stevo Pendarovski në Kuvend ishte i zbrazët, përplot me lajthitje të destinuara më së shumti për LSDM-në ku, siç tha ai, do të vendosin nëse do të jetë apo jo kandidat për president vitin e ardhshëm.

Milloshoski tha se Pendarovski e ka relativizuar pozitën në të cilën është sjellë shteti.

“Bëhet fjalë për një president që si politikan tha se kushdo që të ndryshojë emrin do t’i nxjerrim shpirtin, pastaj votoi ndryshimin e emrit dhe Kushtetutës, duke premtuar se do të hapeshin dyert evropiane dhe sot relativizon pozitën në të cilin na solli Qeveria dhe është një qorrsokak i zotimeve që nuk mund t’i realizojnë”, tha Milloshoski.

Ai beson se fjalimi i sotëm i presidentit Pendarovski në Kuvend do të jetë i fundit.

“Ne jemi dakord për një fakt, dhe ai është se kjo është adresa e tij e fundit. Nëse nuk zgjidhet president do të largohet nga Maqedonia siç tha në vitin 2019”, theksoi Milloshoski.

Lidhur me kritikat nga qeveria drejtuar OBRM-PDUKM-së për procesin e anëtarësimit në BE, ai tha se kjo është shenjë se qeveria po përgatitet për opozitë.