Përurohet shtatorja e heroit Kadri Zeka në Gjilan, Ahmeti: Lavdi veprimtarëve që dhanë jetën për jetësimin e idealeve kombëtare

Kryetari i Bashkimit Demokratik për Integrim, Ali Ahmeti ishte pjesëmarrës në ceremoninë e përurimit të shtatores së veprimtarit të kombit, Kadri Zeka në qytetin e Gjilanit.

Ahmeti në faqen e tij zyrtare në Facebook shkruan se përkujtimi i Kadri Zekës dhe Vëllezërve Gërvalla në 42 vjetorin e rënies së tyre heroike është një akt i lartë i nderimit të veprimtarisë së tyre kombëtare.

Statusi i plotë:

Ishte kënaqësi që me ftesë të kryetarit të komunës z. Alban Hyseni të vizitoja komunën e Gjilanit dhe të merrja pjese në ceremoninë e shpalosjes së shtatores së veprimtarit të kombit, Kadri Zeka në 42 vjetorin e rënies së tij heroike bashkë me vëllezërit Gërvalla.
Përgëzova kreun e komunës dhe qytetarët e Gjilanit për këtë akt fisnik të nderimit të një prej figurave më markante të kauzës kombëtare për lirinë e Kosovës dhe ju urova punë të mbarë në jetësimin e programit të tyre për jetë më cilësore.
Lavdi e përjetshme Kadri Zekës dhe të gjithë veprimtarëve të kombit që dhanë jetën në shërbim të përjetësisë së idealeve kombëtare!