Taravari i përgjigjet Selës pas shkarkimit: Kauza jonë është ndryshimi!

Pasi u shkarkua me 106 vota “pro” gjatë kuvendit që po mban Aleanca për Shqiptarët në Shkup, ka ardhur edhe reagimi i kryetarit të kësaj partie, Arben Taravarit. Ai shkruan se përpjekjet e BDI-së dhe skenaristit Grubi për të na defokusuar tek kinse “e kujt është partia” janë të dështuara, duke i treguar Selës dyert e gjykatës.

Deklarata e Arben Taravarit pas shkarkimit:

Kauza jonë është Ndryshimi!

Përpjekjet e BDI-së dhe skenaristit Grubi për të na defokusuar tek kinse “e kujt është partia” janë të dështuara.

Prej sot nuk merremi më me këtë gjë. Kushdo që ka ankesa le t’i drejtohet Gjykatës.

Kauza Jonë është Ndryshimi që Ka Nis!

8 maji afron çdo ditë e më shumë!