Marotta njofton se do të largohet nga Interi

Drejtori me ndikim i Interit, Beppe Marotta, bëri një njoftim surprizë ditën e sotme, duke zbuluar se ai do të largohet nga pozicioni i tij në fund të kontratës, në mënyrë që të fokusohet në punën me lojtarët më të rinj.

Drejtori ekzekutiv i Interit, i cili gjithashtu kaloi tetë vjet në të njëjtin pozicion me Juventusin midis 2010 dhe 2018, njoftoi se do të largohet në vitin 2027. Duke qenë se ai u emërua në vitin 2019, ai do të ketë kaluar të njëjtën kohë si CEO i të dy klubeve italiane, transmeton Gazeta Express.

“Kur të përfundojë kontrata ime me Interin, unë do të tërhiqem për t’u fokusuar te të rinjtë”, tha Marotta gjatë një bisede në “Sala Montanari” në Varese.

“Sektori i të rinjve është pasuria më e madhe e çdo klubi. Jam gjithnjë e më i bindur se është e gabuar t’i bësh të rinjtë të paguajnë për sportin. Duhet të jetë falas. Në këtë mënyrë, ai bëhet i aksesueshëm edhe për familjet më të varfra dhe shpesh këtu gjenden xhevahiret e fshehura”, shtoi Marotta.

Nën drejtimin e Marottas deri tash vlen të përmendet se Interi fitoi titullin e kampionit në Serie A dhe gjithashtu arriti në finalen e Ligës së Kampionëve vitin e kaluar.