Gasperini e kritikon Spallettin: Italia kurrë nuk e ka pasur Pelen, Messin apo Maradonën

Trajneri i Atalanta-s, Gian Piero Gasperini, është i zhgënjyer nga qëndrimi i Italisë në EURO 2024, por këmbëngul se Azzurri-t ‘kurrë nuk kanë pasur Pelé, Messi dhe Maradona…’

Gasperini dha një intervistë për Il Corriere dello Sport, duke folur për mënyrën se si po ndërton skuadrën e La Dea-s për kampionatin e ardhshëm dhe dështimin e Italisë në Kampionatin Evropian të fundit.

“Unë ndaj të njëjtin mendim si shumë të tjerë,” tha Gasperini.

“Na mungonte ekipi. Spalletti nuk ishte në gjendje të transmetonte parime të caktuara dhe vetëm ai mund ta dijë arsyen. Italia dukej e zbrazët dhe kjo ishte zhgënjimi më i madh.

“Kombëtarja italiane gjithmonë ka dalluar për qëndrueshmërinë dhe ndjenjën e përkatësisë në grup. Ne kurrë nuk kemi pasur Pelé, Maradona, Cruijff ose Messi, por nuk na kanë munguar kurrë futbollistët e shkëlqyer.

“Fituesit tanë të Topit të Artë quhen Rivera, Rossi dhe Baggio. Në vitin 2006, një mbrojtës e fitoi atë, Cannavaro. Në atë ekip [që fitoi Kupën e Botës] ishin Iaquinta, Camoranesi, Gilardino, Oddo, Grosso dhe Perrotta.

“Ne italianët duam të fillojmë gjithçka nga e para kur ka një zhgënjim. Përkundrazi, ne duhet të mësojmë një mësim dhe të fillojmë nga sektorët e të rinjve. 80% e të rinjve italianë luajnë futboll dhe nëse nuk jemi në gjendje t’i zhvillojmë ata dhe t’i sjellim në ekipin e parë, sistemi është i gabuar.”