Takim Murtezani – Telatin

Ministri për Çështje Evropiane, Orhan Murtezani, sot mbajti takim me Mikela Telatin, drejtore në Zyrën e Kombeve të Bashkuara për shërbime projektuese – UNOPS.

Në takim u diskutua për projektin “Mbështetje për Maqedoninë së Veriut për aderim në BE”, financuar nga Agjencia Suedeze për Bashkëpunim ndërkombëtar zhvillimor (SIDA), implementuar nga UNOPS Shkup. Qëllimi kryesor i projektit është procesi efikas dhe efektiv i aderimit të vendit në Bashkimin Evropian, duke dhënë ndihmë të drejtpërdrejtë në përgatitjen e versionit nacional të acquis, përmirësimin e platformës së NPAA-s, ndihmës teknike për harmonizimin e legjislacionit me të drejtën e BE-së dhe përforcimin e kapaciteteve administrative me angazhimin e ekspertëve nacional dhe ndërkombëtarë për MÇE-në dhe institucionet e tjera (MMJPH, MM, MD, MASH, Kuvendi dhe të tjera).

Murtezani falënderoi për mbështetjen dhe përkushtimin e vazhdueshëm të Zyrës së UNOPS-it në Shkup, për përforcimin e kapaciteteve të Ministrisë për Çështje Evropiane (MÇE) në kontekst në procesin e integrimeve evropian dhe kërkesave që dalin nga ai. Ai theksoi se projekti dhe ndihma financiare është e rëndësisë së vendimtare për arritjen e qëllimeve të agjendës reformuese në rrugën tonë evropiane.

Telatin dhe Murtezani ranë dakord se partneriteti mes MÇE-së dhe UNOPS-it është shembull i shkëlqyer i përkushtimit, komunikimit të ngushtë dhe bashkëpunimit gjatë implementimit të projekteve të rëndësisë së veçantë për të ardhmen evropiane të vendit dhe të rajonit.