Ky është burri që e rrahu mizorisht gruan e tij e cila vdiq sot në spital

Një rast i rëndë ka ndodhur para dy ditësh në Gushtericë të Poshtme në Graçanicë, ku një grua u rrah brutalisht nga bashkëshorti dhe për pasojë nuk arriti të mbijetojë. Viktima ka humbur jetën sot në QKUK, ku u dërgua për trajtim mjekësor, raporton Gazeta Sinjali.

Viktima dyshohet se ka pasur hemorragji në tru nga lëndimet e rënda dhe nuk është arritur që të kryhet operacioni nga ekipi mjekësor në Klinikën Emergjente.

Sinjali ka mësuar se e ndjera që vdiq tragjikisht është Marija Zhivkoviq, (41-vjeçare), kurse burri i saj që e rrahu mizorisht është Dejan Zhivkoviq (43-vjeçar).

Natën kritike, më 31 korrik, Zhivkoviq u arrestua nga Policia e Kosovës dhe më pas me urdhër të Prokurorit të Shtetit u dërgua në mbajtje për 48 orë.