Ndryshimet në ligjin për vetëqeverisje lokale/ Amendamentet do të jenë në rend dite të mërkurën në Kuvend

Ndryshimet në Ligjin për Vetëqeverisje Lokale janë futur në rend dite të seancës Parlamentare të caktuar për të mërkurën, më 11 shtator. Me kwto ndryshime parashihet të shmangen zgjedhjet e jashtëzakonshme për kryetarë komunash në Saraj, Aerodrom dhe Gostivar deri në fund të vitit, pasi kryetarët e këtyre komunave u zgjodhën për deputet dhe ministra.

Për të kaluar amendamentet nevojitet edhe shumica e Badenterit. Sipas paralajmwrimeve pritet që edhe deputetët e BDI-së të votojnë për ndryshimet në Ligjin për Vetëqeverisje Lokale, me të cilat do të sigurohet shumica e nevojshme prej dy të tretash.

Partia më e madhe opozitare nga blloku maqedonas, LSDM, ende nuk është deklaruar nëse do ta mbështesin këtë zgjidhje ligjore.

Nëse ligji i propozuar nuk merr mbështetjen e duhur në Kuvend, atëherë sipas zgjidhjes aktuale ligjore, deri në fund të vitit do të mbahen zgjedhje të jashtëzakonshme për kryetarë komunash në Saraj, Aerodrom dhe Gostivar.