Ligjvënësit izraelitë do të votojnë për të penguar ndihmën e OKB-së për refugjatët palestinezë

Ligjvënësit izraelitë do të votojnë dy projektligje që do të pengonin rëndë aftësinë e Kombeve të Bashkuara për të ofruar ndihmë për refugjatët palestinezë në territoret e pushtuara nga Izraeli.

Kjo pritet të ndodh pavarësisht presionit të fortë ndërkombëtar për të hequr dorë nga përpjekjet.

Projektligjet, të cilat janë planifikuar për një votim në Knesset – parlamentin izraelit, të hënën, do të parandalojnë personelin dhe ndihmën e ofruar nga UNRWA – agjencia e OKB-së për refugjatët palestinezë – që të kalojnë tranzit në Izrael.

Projektligjet nuk e ndalojnë teknikisht agjencinë që të veprojë në territoret e pushtuara nga Izraeli si Gaza dhe zonat e Bregut Perëndimor të kontrolluara nga Autoriteti Palestinez, por legjislacioni do të kufizonte ndjeshëm aftësinë e UNRWA-së për t’iu përgjigjur ngjarjeve në ato zona.

Agjencia ka qenë prej kohësh objektiv i kritikave izraelite, veçanërisht pas sulmit terrorist të udhëhequr nga Hamas më 7 tetor 2023.

Votimet pritet të zhvillohen pavarësisht presionit ndërkombëtar nga Shtetet e Bashkuara dhe vendet e tjera perëndimore, raporton CNN, transmeton kk.

Të hënën, ministrat e jashtëm të Kanadasë, Australisë, Francës, Gjermanisë, Japonisë, Koresë së Jugut dhe Mbretërisë së Bashkuar lëshuan një deklaratë të përbashkët duke i bërë thirrje Izraelit të ndalojë legjislacionin, duke shprehur “shqetësim të madh”, veçanërisht në gjendjen të cilën është situata humanitare në Gaza.