Mickoski: Unë do t’i mbroj interesat kombëtare

Kryeministri i RMV-së Hristijan Mickoski, ka thënë se derisa ta udhëheqë Qeverinë do të mbrojë interesat kombëtare dhe tha se është optimist se do të arrihet një zgjidhje e mirë.

Kryeministri Mickoski theksoi se “është optimist jo vetëm gjatë vizitës nga Berlini, por edhe nga të gjitha vizitat dhe takimet në javët e kaluara, 4 muaj pas zgjedhjes së Qeverisë së re”.

“Më në fund, ne si vend shihemi si partner dhe jo diçka për t’u zhgënjyer. Kemi rikthyer besueshmërinë dhe dinjitetin e qytetarëve dhe të Maqedonisë si shtet në skenën ndërkombëtare. Ne veprojmë me fakte dhe argumente, i paraqesim, mbrojmë interesat tona dhe në deklaratën në Berlin thashë se mund të jetë më e vështirë si një vend më i vogël të mbrojmë interesat tona kombëtare, por përderisa unë drejtoj qeverinë, Qytetarët mund të jenë të sigurt se interesat kombëtare do t’i mbrojnë dhe do të mbrojnë veten e tyre”, theksoi Mickoski.

Kryeministri Mickoski theksoi se numri i diplomatëve evropianë dhe botërorë që shikojnë me dashamirësi argumentet dhe qëndrimet e RMV-së lidhur me zgjidhjen e mundshme që ne propozojmë është në rritje dhe shtoi se duhet të priten zgjedhjet në Bullgari që të mos kenë deklarata konfuze edhe atje.