Samsung po përgatit një telefon që paloset trefish

Samsung mund të prezantojë në vitin 2025, një telefon që do të mund trefish të paloset.

Nga Koreja e Jugut pohojnë se Samsung tashmë e ka gati teknologjinë për të krijuar një telefon trefish të palosshëm, dhe zinxhiri i furnizimit është gati për produktin e ri, transmeton Telegrafi.

Megjithatë, vendimi përfundimtar pritet të merret nga Divizioni MX (Mobile Experience), i cili është përgjegjës për telefonat me ekrane të palosshme të gjigantit koreano-jugor.

Porositë për panelet OLED të palosshme ranë me më shumë se 10 për qind, pasi kërkesa për Galaxy Z Fold6 dhe Galaxy Z Flip6 nuk i kaloi pritshmëritë.

Dërgesat e Samsung Display, kur bëhet fjalë për panelet fleksibël OLED, do të arrijnë në 12 milionë në vitin 2024. Kjo është një rënie e madhe prej 40 për qind nga dërgesa e vitit të kaluar prej 20 milionë.