Daku me dedikim të veçantë për djaloshin që humbi jetën në Tiranë

Mirlind Daku sonte shkëlqeu në fushën e lojës për Rubin Kazanin.

Sulmuesi nga Gjilani arriti të shënojë dy gola në fitoren e Rubin Kazanit ndaj Akronit në Rusi.

Ai shënoi në minutën e 10-të dhe të 20-të, për fitoren prej 3-0.

Pas ndeshjes, sulmuesi i kombëtares shqiptare ia dedikoi dy golat Martin Canit, djaloshit që u vra në Tiranë nga një bashkëmoshatar i tij.

“Dy golat shkojnë për familjen e Martinit dhe për vet Martinin. Bohuni të fortë, ai do shëndrit në parajsë”, ka shkruar Daku në “Facebook”.