Armëpushimi në Gaza, Ursula von der Leyen: Le të jetë një fillim i ri për Izraelin dhe popullin palestinez

Presidentja e Komisionit Evropian, Ursula von der Leyen ka reaguar pas lajmit të lirimit të pengjeve nga Hamasi.

E gjithë bota i ka sytë nga Gaza, ku sot u liruan tre pengjet e para izraelite nga Hamasi , si pjesë e marrëveshjes së armëpushimit të arritur në Katar.

Së fundmi ka reaguar edhe presidentja e Komisionit Evropian, Ursula von der Leyen në një postim në X.

Ajo tha se ribashkimi i pengjeve me familjet e tyre jep shpresë për hapjen e një kapitulli të ri për Izraelin dhe për popullin palestinez.

Postimi i plotë:

Romi Gonen, Emily Damari dhe Doron Steinbrecher janë të lirë. Të tjerët duhet të ndjekin.

Ribashkimi i pengjeve me familjet e tyre na mbush zemrat me shpresë.

Le të jetë ky fillimi i një kapitulli të ri për Izraelin dhe popullin palestinez.

Armëpushimi duhet të zbatohet.

Evropa do ta mbështesë.