Pastrohen rrugët e Çairit nga bora, Ganiu: Punojmë me efikasitet të plotë

Mirëmbajtja dimërore e rrugëve në komunën tonë, që po realizohet nga operatori ekonomik “QANU – Kompani SHPK”, po vijon me efikasitet të plotë. Deri më tani janë pastruar lagjet Gazi Baba, Saat Kulla, Fushë Topana, Topana, Dyqanxhik, Bashkësia Islame, një pjesë e Dizhonit, një pjesë e Serovës, Çairi i Ri dhe Çairi i Vjetër.

Pastrimi dhe hedhja e kripës po vazhdojnë, duke u fokusuar në përfundimin e punimeve në zonat ku është ende e nevojshme, përfshirë pastrimin e plotë të lagjeve Dizhon dhe Serovë.

Apeloj për bashkëpunimin e qytetarëve të komunës sonë, duke kërkuar që të kontribuojnë në pastrimin e borës përpara oborreve të tyre, trotuareve, dyqaneve dhe hapësirave përreth. Kjo ndihmë është e domosdoshme për të siguruar qarkullimin e lirë dhe për të krijuar kushte më të mira për të gjithë. Së bashku mund të mbajmë komunën tonë funksionale dhe të sigurt për të gjithë banorët.