Pete Hegseth konfirmohet si Sekretar i Mbrojtjes së SHBA-së

Pete Hegseth, kandidati i Donald Trump për Sekretarin e Mbrojtjes të SHBA-së, u konfirmua nga Senati vonë të premten mbrëma, pasi u përball me akuza për sjellje të pahijshme që gati e prishën konfirmimin e tij.

Zëvendëspresidenti JD Vance hodhi votën në favor të Hegseth, pasi tre senatorë republikanë – përfshirë ish-udhëheqësin e shumicës në Senat, Mitch McConnell – votuan kundër tij, raporton BBC, transmeton Klankosova.tv.

Gjatë seancës së konfirmimit të Hegseth, ai u përball me pyetje të shumta në lidhje me një pretendim për sulm seksual, të cilin ai e ka mohuar, si dhe për pabesi dhe pije alkoolike.

Ish- veterani luftarak dhe prezantuesi i dikurshëm i televizionit Fox News do të mbikëqyrë një departament prej rreth tre milionë punonjësish dhe një buxhet prej 849 miliardë dollarësh.