Snopçe-Bexhetit: “Nuk kam pritur që të kuptoni, nuk jemi në të njëjtin nivel”

Koordinatori i grupit parlamentar të koalicionit në pushtet VLEN, Halil Snopçe, në një fjalim të mbajtur në Kuvend, mbrojti zv.kryeministrin Izet Mexhiti dhe zëvendësministrin e MPB-së, Astrit Iseni, lidhur me interpelancat e parashtruara nga BDI.

Pas këtij fjalimi, koordinatori i BDI-së, Blerim Bexheti, reagoi duke deklaruar se nuk kishte kuptuar asgjë nga qëndrimi i Snopçes.

Kundërpërgjigja e Snopçes ishte e drejtpërdrejtë: “As nuk kam pritur që të kuptoni diçka sepse nuk jemi të njëjtin nivel,” tha ai, duke përforcuar qëndrimin e tij se opozita nuk ka bazë të kuptojë politikat e tyre.