Zjarre të furishme dhe erërat e “djallit”, çfarë pritet të ndodhë me Los Angeles?

Të Hënën e kaluar, Shërbimi Kombëtar Meterologjik në SHBA (NWS) vuri re një fenomen aq sa të rrallë edhe të rrezikshëm, duke paralajmëruar se Los Angeles dhe Ventura do të përfshiheshin nga erëra shumë të forta. Dhe në fakt, kështu ndodhi! 3 ditë më vonë, zjarret u përhapën masivisht, ndërsa rreth një javë më vonë gjithçka u shkatërrua! 24 persona kanë humbur jetën deri më tani, ndërsa pritet që ky bilanc të thellohet. Më e keqja? Një pjesë e mirë e zjarreve ende nuk janë shuar.

NWS ka dhënë një tjetër “alarm” sa i takon ditës së sotme dhe të Mërkurës. Do të rikthehen erërat e fuqishme të “Santa Ana”, që përbëjnë potencial për përhapjen e mëtejshme të flakëve.

Në një konferencë për mediat, Departamenti i Zjarrfikësve në Los Angeles tha se këto zjarre kanë qenë “ngjarja më shkatërruese dhe sfiduese e historisë së qytetit e që ende s’kanë marrë fund”.