Fillon gjyqi kundër Fadil Zejnelovit, i cili vrau 29-vjeçaren nga Shtipi, Emilia Pesheva

Në Gjykatën Themelore të Shtipit sot fillon gjyqi kundër Fadil Zejnelovit, i cili më 1 nëntor të vitit të kaluar kreu vrasjen e 29-vjeçares Emilia Pesheva.

Sipas hetimit të Prokurorisë Themelore Publike, për vrasjen e Peshevës janë siguruar prova që tregojnë se i akuzuari, duke ushtruar dhunë në familje, me dashje i mori jetën partneres së tij jashtëmartesore.

Pasi u morën vesh dhe u takuan para shtëpisë së saj, së bashku shkuan në një objekt të braktisur të Ndërmarrjes Publike “Isar” për të biseduar rreth problemeve në lidhjen e tyre shumëvjeçare.

Biseda u shndërrua në debat, pas së cilës i akuzuari e sulmoi fizikisht viktimën dhe filloi ta godasë me grushte. Kur ajo ra në tokë, ai filloi ta shtrëngonte fort në pjesën e qafës, duke shkaktuar ndërprerjen e frymëmarrjes dhe mungesën e qarkullimit të gjakut në tru, gjë që çoi në vdekjen e saj. Pasi u sigurua që nuk jepte më shenja jete, ai u largua nga vendi i ngjarjes dhe vetë u paraqit në Stacionin Policor – Shtip.

Viktima më herët kishte raportuar dhunë, por procedura kundër Zejnelovit, i cili kreu vrasjen, ishte pezulluar më 2 shtator 2024