Ish-bashkëshorti e ndjek dhe e godet me veturë një grua në Ferizaj, ajo përfundon në spital!

Një grua është goditur me veturë nga ish-bashkëshorti pas mesnate në Ferizaj.

Zëdhënësi i Policisë për rajonin e Ferizajt, Kanun Veseli tha se 31-vjeçari Sh. R. u arrestua, ndërsa gruaja është dërguar për trajtim në QKUK.

“Më datë 17.02.2025, rreth orës 01:30, i dyshuari Sh. R(M/K) 31 vjeç, duke drejtuar automjetin e tij, kishte ndjekur viktimën (ish-bashkëshorten), e cila po ashtu ishte me veturë. Kur kanë arritur në Ferizaj, te Sheshi “Adem Jashari”, i dyshuari e ka goditur automjetin e viktimës, ndërsa të dy ishin në lëvizje. Si pasojë, viktima ka pësuar lëndime trupore. Pas tretmanit mjekësor fillestar në Ferizaj ajo është dërguar për trajtim të mëtejshëm në QKUK – Prishtinë” tha ai.

Veseli tha se hetuesit dhe krimteknikët dolën në vendin e ngjarjes dhe kanë bërë ekzaminin e automjeteve.

“Lidhur me rastin, është kontaktuar prokurori kujdestar, i cili ka udhëzuar që rasti të cilësohet si “Lëndim i rëndë trupor” dhe “Asgjësimi apo dëmtimi i pasurisë”. Pas intervistimit, me vendim të prokurorit të shtetit, i dyshuari është ndaluar për 48 orë, ndërsa ndihmë mjekësore ju ka ofruar edhe të dyshuarit”.