Mexhiti në Stamboll me shqiptarin e suksesshëm nga Shkupi, këshilltarin kryesor të Erdoganit

Zëvendëskryeministri i parë, Izet Mexhiti në kuadër të vizitës në Stamboll ka takuar shkupjanin, Sabri Demiri, këshilltari aktual i presidentit turk, Rexhep Taip Erdogan.

“Në qytetin e Stambollit, aty ku takohen dy kontinente dhe historia flet me madhështi, pata kënaqësinë të takoja mikun tim, Sabri Demirin.

Një shqiptar nga Çairi i Shkupit, një djalë i dheut tonë, i cili, me vizion, punë dhe përkushtim, ka arritur të bëhet një nga këshilltarët më të besuar të Presidentit të Turqisë. Një histori suksesi që nuk vjen rastësisht, por si rezultat i shpirtit shqiptar që nuk ndalet para asnjë sfide.

Ky takim nuk ishte vetëm një bisedë miqësore, por një moment krenarie kombëtare. Ishim dy djem të Shkupit, në një nga metropolet më të mëdha të botës, duke dëshmuar edhe një herë se shqiptarët nuk njohin kufij kur bëhet fjalë për suksesin. Është gjithmonë kënaqësi dhe krenari të shohësh bashkëvendas që arrijnë suksese të mëdha!”, shkroi Mexhiti.