Tragjedia në Koçan/ Alkaloid dhuron 15 milionë denarë për viktimat e zjarrit në Koçan

Kompania Alkaloid i është bashkuar aksionit masiv për të ndihmuar viktimat e zjarrit tragjik në Koçan, duke dhuruar 15 milionë denarë përmes Kryqit të Kuq të Maqedonisë. Kjo ndihmë financiare synon të mbështesë qytetarët e prekur nga aksidenti dhe familjet e tyre.

“Me respekt të thellë për të gjithë ata që treguan humanizëm në këto kohë të vështira, ne ofrojmë mbështetjen tonë për të prekurit. Ne besojmë se solidariteti dhe përpjekjet e përbashkëta janë thelbësore në tejkalimin e tragjedive të tilla,” thonë nga kjo kompani.

Kompania rikujtoi se që nga 16 marsi në disa raste ka dhuruar produkte mjekësore për institucionet shëndetësore në Maqedoni, në përputhje me nevojat e tyre. Alkaloid njoftoi se do të vazhdojë të ndihmojë aty ku ka më shumë nevojë, në frymën e traditës së përgjegjësisë sociale.

“Ndonjëherë, edhe gjesti më i vogël i solidaritetit ose rehati mund të bëjë një ndryshim të madh. Ne mbetemi të përkushtuar për të mbështetur komunitetin,” thonë nga Alkaloid.