Murtezani: “Me kapacitete të përforcuara drejt realizimit më efikas të IPA programeve
Ministri për Çështje Evropiane, Orhan Murtezani, në rolin e Koordinatorit Nacional të IPA-s (NIPAC), sot bashkë-kryesoi Takimin e tretë të Komitetit Monitorues për Instrumentin e Ndihmës Para-Aderuese IPA III, duke i theksuar sfidat aktuale politike dhe teknike lidhur me përdorimin efikas të fondeve evropiane.
Ministri Murtezani theksoi se kjo Qeveri do të ndërmarrë nisma të rëndësishme për stabilizimin e IPA strukturave dhe zgjidhjen e problemeve të trashëguara nga periudha e kaluar, duke përfshirë lëvizshmërinë e madhe të stafit profesional, procedurat e vonuara të prokurimit publik dhe lëshimet e rëndësishme në sektorin e transportit dhe mjedisit jetësor. Ai nënvizoi se deri në fund të vitit 2024, mjetet e kontraktuara për IPA II arritën në 71%, ndërkaq shfrytëzimi i IPA III fondeve në të njëjtin vit ishte në nivelin 31.37%. Ministri potencoi rëndësinë e intensifikimit të zbatimit të programeve aktuale për t’iu shmangur mospërdorimit të IPA fondeve në të ardhmen.
Murtezani iu referua edhe masave për përforcimin e kapaciteteve administrative dhe paralajmëroi angazhim intensiv për zgjidhje sistematike të politikave për mbajtjen dhe trajnimin e vazhdueshëm të nëpunësve shtetëror. Ai theksoi se Ministria për Çështje Evropiane po punon në vendosjen e Akademisë për BE-në, detyra e së cilës do të jetë të sigurojë trajnim cilësor dhe të qëndrueshëm për kuadrin e angazhuar në IPA strukturën.
Me takimin kryesoi edhe nga Valentina Superti, Udhëheqëse e njësisë në Drejtorinë e përgjithshme për zgjerimin dhe fqinjësi lindore (DG ENEST) në Komisionin Evropian, e cila iu referua rëndësisë së detyrimeve dhe angazhimeve qartë të përcaktuara për tejkalimin e sfidave aktuale në menaxhimin me IPA programet.
IPA Komiteti Monitorues është organi më i lartë mbikëqyrës për të gjitha IPA programet dhe ka për detyrë të sigurojë zbatimin efektiv, transparent dhe të harmonizuar të ndihmës evropiane para-aderuese në Maqedoninë e Veriut, në përputhje me Marrëveshjen kornizë për partneritet financiar mes Komisionit Evropian dhe Republikës së Maqedonisë së Veriut.
