Truproja iu arrestua nën dyshime për shitje të sekreteve shtetërore, Mickoski: Edhe vëllai apo motra ime po të jetë, do të sanksionohet

Kryeministri Hristijan Mickoski ka komentuar sot arrestimin e truprojës së tij, Angel Saramakov, nën dyshime për shitje të sekreteve shtetërore për 50.000 euro. Mickoski tha se ky është shembull i mirë se nuk ka të paprekshëm dhe se të gjithë që shkelin ligjin, do të përgjigjem.

“Supozoj që është angazhuar pasi unë jam zgjedhur kryeministër, kur u formua ekipi. Kushdo që që është, unë në një rast thash, edhe po të jetë vëllai apo motra ime, edhe “shën VMRO-ja” të jetë, nëse e tradhton besimin e qytetarëve, e dëmton nderin edhe të VMRO-DPMNE-së, partisë politike prej nga vij unë, por para se të gjithash të qeverisë dhe shtetit, ashpër do të sanksionohet, kushdo të jetë”, tha mes tjerash Mickoski.