Elena Luka në qendër të “Ballos Vieneze” – Moda, eleganca dhe humanizmi u bashkuan në Shkup

Më 10 maj në hotelin “Aleksandar Palace” në Shkup u mbajt tradicionalisht “Ballo Vieneze” – një natë e dedikuar modës, artit dhe trashëgimisë kulturore.

Në qendër të këtij eventi ishte marka Elena Luka, si partner ekskluziv, që me krijimet e saj të veçanta solli një përzierje të përkryer të traditës, elegancës dhe stilit bashkëkohor. Fustanet ballore të prezantuara ishin spektakolare, me detaje të punuara me finesë dhe ndriçim luksoz.

Këtë vit, Elena Luka e lidhur fort me përgjegjësinë shoqërore, dhuroi mbi 30 ftesa dhe veshje për maturantë nga shkollat e mesme, duke i dhënë mundësinë të rinjve të përjetojnë një mbrëmje të paharrueshme në botën e kulturës dhe stilit.

Në këtë mënyrë, moda u shndërrua në një urë që lidh artin me dashamirësinë dhe përfshirjen sociale.