Presidenti i Fenerbahce-s shpjegon pse Mourihno nuk mund të largohet nga Stambolli

Presidenti i Fenerbahçes, Ali Koç, ka deklaruar së fundmi se José Mourinho do të vazhdojë të jetë trajner i skuadrës edhe për sezonin e ardhshëm, pavarësisht mungesës së trofeve deri tani.

Ai zbuloi se portugezi refuzoi një ofertë prej 36 milionë eurosh gjatë janarit për t’u larguar, duke treguar besimin e marrëdhënies së tyre të ngushtë dhe projektit afatgjatë të klubit.

Lexo edhe:
PSG-Inter/ Kush e fiton Champions League sipas superkompjuterit të ‘Opta’?
Koç përmendi gjithashtu se, nëse Mourinho vendos të largohet, kontrata parashikon që ai të heqë dorë nga paga e një viti, çka krijon një barrierë të rëndësishme për çdo ofertë tjetër.

Me këto deklarata, pritet që Mourinho të vazhdojë punën te Fenerbahçe së paku edhe një vit, duke udhëhequr projektin e rindërtimit të ekipit dhe përforcimin me lojtarë të rinj në merkaton e verës. Megjithatë, në media vazhdojnë të qarkullojnë zëra për interesimin e Rangers, por çdo largim nga Stambolli do të kërkonte një ofertë shumë tërheqëse që ia vlen të sakrifikohet paga e një sezoni.