CIA mbështet pretendimet e Trump, zyrtari amerikan: Sulmet ndaj objekteve bërthamore e ktheu disa vite mbrapa programin e Iranit

Sulmi i SHBA-së ndaj impiantit të pasurimit të uraniumit në Isfahan e ka kthyer programin bërthamor të Iranit me vite prapa, u tha drejtori i CIA-s, John Ratcliffe, anëtarëve të Kongresit, sipas një zyrtari amerikan.

Zyrtari, i cili foli në kushte anonimiteti, tha se Ratcliffe u shpreh se impianti në Iran ishte unik. Sipas asaj që dyshohet se Donald Trump zbuloi natën e sulmit ndaj impiantit bërthamor të Iranit, Isfahani u “godit” me raketa Tomahawk nga një anije amerikane.

Ai shtoi se komuniteti i inteligjencës vlerëson se shumica dërrmuese e rezervave të uraniumit të pasuruar të Iranit janë varrosur nën rrënoja në Isfahan dhe Fordow, dy nga tre impiantet kryesore bërthamore që Shtetet e Bashkuara sulmuan.

Zyrtari shtoi se edhe nëse uraniumi mbetet i paprekur, humbja e impiantit të konvertimit të metaleve e ka privuar Teheranin nga aftësia për të ndërtuar një bombë bërthamore për vitet që vijnë.