Në kërkim për drogë në Itali/ Arrestohet 23-vjeçari në Vaun e Dejës, pritet ekstradimi

VAU I DEJËS- Një 23-vjeçar, i shpallur në kërkim ndërkombëtar nga Italia është arrestuar në Vaun e Dejës.

Ai akuzohet në Itali si pjesëtar i një organizate kriminale për trafikim të lëndëve narkotike.

Në vitin 2024, Gjykata në L’Aquila i ka caktuar këtij shtetasi, masë sigurie “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale, vepër për të cilën Kodi Penal italian parashikon maksimum dënimi, 24 vjet burgim.

Vijon bashkëpunimi për të finalizuar ekstradimin e 23-vjeçarit, në Itali/abcnews.al