Rritet vlera e Bitcoin

Vlera e Bitcoin-it, duke u rikuperuar nga ndikimi i rëndë i konfliktit ushtarak aktual ndërmjet Iranit dhe Izraelit, vazhdoi rritjen të hënën.

Kriptovaluta më e madhe, e cila së fundmi iu afrua nivelit rekord prej 111.970 dollarësh, humbi rreth 1 për qind të vlerës të premten për shkak të tensioneve në Lindjen e Mesme.

Eskalimi më i fundit ndodhi pas sulmeve izraelite të së premtes ndaj objekteve bërthamore dhe raketore të Iranit, çka e shtyu Iranin të hakmerrej me raketa balistike, duke shkaktuar viktima dhe dëme materiale në Izrael.

Të hënën, çmimi i Bitcoin-it u rrit me 3,1 për qind në orën 06:50 GMT, duke arritur në 106.700 dollarë.

Vëllimi i tregtimit të tij u rrit me 13,67 dollarë në 24 orët e fundit, duke kapur vlerën prej 40,46 miliardë dollarësh.

Ndërkohë, Ethereum, i cili humbi rreth 4 për qind të premten, u rikuperua me 5 për qind të hënën, duke arritur në 2.619,92 dollarë, sipas të dhënave nga CoinMarketCap.