Trump i kundërpërgjigjet Kremlinit/ ‘Nëndetëset tona bërthamore janë 20 vjet përpara’

Presidenti i SHBA-së, Donald Trump, iu përgjigj me të njëjtin ton kërcënimeve bërthamore të Zëvendëskryetarit të Këshillit të Sigurisë së Rusisë, Dmitry Medvedev, përmes një postimi në platformën Truth Social.

Trump duke iu referuar pretendimeve të Medvedevit se disa vende janë gati t’i furnizojnë Iranit me armë bërthamore, kujtoi fuqinë e nëndetëseve bërthamore amerikane, duke theksuar se ato janë ‘armët më të fuqishme dhe më vdekjeprurëse.

“A e dëgjova ish-Presidentin rus Medvedev të përdorte me lehtësi fjalën ‘N’ (bërthamore) dhe të thoshte se ai dhe vende të tjera do t’i furnizojnë Iranit me koka bërthamore? A e tha vërtet këtë, apo është thjesht një produkt i imagjinatës sime? Nëse e tha dhe kjo konfirmohet, ju lutem më njoftoni menjëherë. Fjala ‘P’ nuk duhet përdorur kaq rastësisht. Ndoshta kjo është arsyeja pse Putini është ‘Shefi’. Nga ana tjetër, nëse dikush mendon se ‘pajisjet’ tona ishin të shkëlqyera gjatë fundjavës, padyshim më të fuqishmet dhe më të mirat që kemi, ato janë nëndetëset tona bërthamore, 20 vjet përpara të tjerave. Ato janë armët më të fuqishme dhe më vdekjeprurëse të ndërtuara ndonjëherë dhe sapo lëshuan 30 raketa Tomahaëk, dhe të gjitha 30 goditën objektivin me saktësi të lartë. Përveç pilotëve tanë të jashtëzakonshëm, falënderojmë kapitenin dhe ekuipazhin”, shkroi Trump në platformën e tij Truth Social. Syri.net-CNN.gr