Angellov: Zjarrin në Zhelinë e shuajmë, mirëpo vazhdimisht ndizet nga dikush

Në territorin e gjithë vendit sot aktiv janë gjashtë zjarre, ndërsa më specifik është zjarri në malin Goten, në kufirin midis komunave Vasilevë, Berovë dhe Radovish.

Drejtori i Drejtorisë për Mbrojtje dhe Shpëtim (DMSH), Stojançe Angellov në deklaratën e tij për media tha se edhe krahas specifikës së saj, zjarri nuk mund të rezikojë asnjë fshat.

“Sot deri më tani janë vërejtur më shumë se 12 zjarre në hapësirë të hapur. Gjashtë prej tyre janë aktivë, të tjerët janë shuar. Nga këto gjashtë, kemi disa që janë jashtëzakonisht të vështira për t’u shuar. Zjarri më i vështirë, më specifik është në malin Goten, në kufirin midis komunave Vasilevë, Berovë dhe Radovish. Ky zjarr ka krijuar njëfarë ankthi tek popullata, por kategorikisht deklaroj se nuk mund të kërcënojë asnjë fshat. Nga ana e Radovishit, zjarri po zbret ngadalë, duke lëvizur ngadalë, varësisht nga drejtimi i erës që fryn relativisht shpesh në këtë zonë”, deklaroi pasdite drejtori i Drejtorisë për Mbrojtje dhe Shpëtim, Stojançe Angellov.

Herët këtë mëngjes, një helikopter policie ka vepruar atje për një kohë të gjatë, por pa ndonjë rezultat domethënës.

“Në vendgjarje kemi më shumë se 150 persona, duke filluar me zjarrfikësit lokal me mbështetjen e NJTKZ fqinje, më shumë ekipe nga Pyjet kombëtare dhe banorët lokal. Gjithashtu ka shtatë pinc-gauerë në terren këtu nga ana e Radovishit. Pjesa tjetër është nga ana e Berovës”, ka thënë Angellovi.

Situatë identike, siç thotë Anegllovi është edhe në Zhelinë i cili vazhdimisht vihet nën kontroll, shuhet, por më pas ndizet përsëri.

“Lind pyetja, kush është ai që vazhdimisht e ndez zjarrin në territorin e komunës së Zhelinës i cili sot po lëviz në drejtim të Erebinës. Sot, atje vepron një er traktor i Drejtorisë për Mbrojtje dhe Shpëtim si dhe është dërguar edhe një transportues i personelit të DMSH-së të cilët duhet të veprojnë nëse zjarri lëviz drejt Erebinës ose njërit prej fshatrave përreth. Në vendngjarje është edhe NJTKZ Tetovë me ekipet e Pyjeve kombëtare, por edhe nga popullata lokale”, thekson Angellovi.