Guterres: Situata në Gaza është e tmerrshme, nuk ka paralelë në historinë moderne

Sekretari i përgjithshëm i Kombeve të Bashkuara, Antonio Guterres, e vlerësoi situatën në Rripin e Gazës si “të tmerrshme”, duke theksuar se niveli i vdekshmërisë dhe shkatërrimit në atë zonë “nuk ka paralelë në historinë moderne”.

Në një konferencë për shtyp në selinë e OKB-së, Guterres shprehu shqetësim të thellë për shkak të sulmit të fundit, në të cilin, sipas raporteve, u vranë shumë civilë, përfshirë fëmijë, teksa përpiqeshin të kërkonin ndihmë.

“Dhuna po e minon dinjitetin themelor njerëzor të popullit të Gazës, pavarësisht vuajtjeve të mëdha që tashmë po përjetojnë,” tha Guterres, duke përsëritur thirrjen e tij për një armëpushim të qëndrueshëm.

Ai theksoi se armëpushimi duhet të çojë drejt një zgjidhjeje politike që përfshin të drejtën e palestinezëve dhe izraelitëve për të pasur shtetin e tyre.