Rusia pretendon se ka marrë nën kontroll dy vendbanime në rajonet Dnipro dhe Sumy

Ministria ruse e Mbrojtjes pretendon se ka marrë nën kontroll dy vendbanime në rajonet ukrainase të Dnipros dhe Sumy-t, transmeton Anadolu.

Në deklaratën e ministrisë u ndanë informacione të përditësuara mbi aktivitetet e Forcave të Armatosura Ruse në Ukrainë.

“Vendbanimet Dachnoye në rajonin e Dnipropetrovskit dhe Bessalovka në rajonin e Sumy-t u çliruan”, tha ministria në deklaratë duke shtuar se forcat ruse po përparojnë në frontin ukrainas.

Në deklaratën e ministrisë u theksua se 402 mjete ajrore pa pilot (UAV) ukrainase u shkatërruan në 24 orët e fundit, 8 prej të cilave u rrëzuan në rajonin e Moskës.

Ministria ruse e Mbrojtjes njoftoi dje se ka marrë nën kontroll dy vendbanime në rajonet Kharkiv dhe Donetsk të Ukrainës.