Viktima e parë nga zjarret? Gjendet trupi i djegur i një njeriu pranë urës në Lepenc

Një trup i djegur i një personi dhe disa kafshë të djegura u gjetën mbrëmë nga zjarrfikësit, pasi fikën një zjarr që shpërtheu pranë urës në Lepenc, afër Stacionit Hekurudhor “Gjorçe Petrov”.

Siç njoftoi Ministria e Punëve të Brendshme në bilancin ditor, dje në orën 18:00 në Stacionin Policor të Shkupit u raportua për një zjarr në bar të thatë, i cili u përhap dhe përfshiu disa objekte ndihmëse dhe stalla ku kishte kafshë shtëpiake.