I moshuari gjendet i mbytur në plazhin e vjetër të Vlorës, rrethanat mbeten të paqarta

Një shtetas rreth 70 vjeç është gjetur i mbytur paraditen e sotme në plazhin e vjetër të Vlorës.

Sipas të dhënave paraprake nga policia, viktima dyshohet të ketë qenë pushues, por ende nuk është konfirmuar nëse bëhet fjalë për banor të zonës apo turist.

Shkaqet e ngjarjes mbeten të paqarta. Paraprakisht dyshohet se i moshuari mund të jetë mbytur aksidentalisht ose të ketë pësuar një arrest kardiak ndërsa notonte.

Grupi hetimor ndodhet në vendngjarje dhe po punon për zbardhjen e plotë të rrethanave.