Mashtrim në Shkup: 77-vjeçari nga Kumanova jep 10.000 euro për të “shpëtuar” mbesën nga një aksident i rremë

Më 19.09.2025, në orën 21:00, në SPB Shkup, një burrë 77-vjeçar nga Kumanova denoncoi se të njëjtën ditë kishte marrë një telefonatë në linjën fikse nga një person që u prezantua si oficer policie. Ai i tha se mbesa e tij kishte shkaktuar një aksident trafiku ku kishte përplasur një fëmijë që kishte vdekur, ndërsa mbesa ishte e lënduar dhe ndodhej në spital në Shkup. Më pas, personi i tha se nëse nuk dëshironte që mbesa të shkonte në burg, duhej të sillte para në Shkup. Denoncuesi shkoi në Shkup dhe, ashtu si i ishte thënë, la çantën me rreth 10.000 euro në një kosh plehrash pranë bankave afër Parkut “Zhena”. Më vonë, denoncuesi kuptoi se ishte mashtruar dhe se nuk kishte pasur asnjë aksident trafiku. Po merren masa për zbardhjen e rastit.