Mbi 100 mijë punonjës universitetesh paditën administratën Trump

Dy sindikata të mësuesve të sistemit arsimor të Universitetit të Kalifornisë (UC) kanë paditur administratën e presidentit amerikan, Donald Trump për ngrirjen e fondeve federale dhe veprime të tjera që, sipas tyre, synojnë të shtypin lirinë akademike.

Njëzet e një grupe që përfaqësojnë më shumë se 100 mijë punonjës kanë paditur Trumpin për ngrirjen e fondeve federale dhe veprime të tjera që, sipas tyre, synojnë të shtypin lirinë akademike.

Padia, e paraqitur në Gjykatën Rajonale të SHBA-së për Qarkun Verior të Kalifornisë, synon t’i ndalojë qeverisë përdorimin e kërcënimeve financiare kundër sistemit, të cilat i cilëson si të dëmshme dhe të paligjshme.

Gjithashtu, synon rikthimin e fondeve që tashmë janë pezulluar, raporton theguardian.

Sipas padisë, administrata e Trump po përpiqet të marrë nën kontroll menaxhimin e përditshëm të UC-së përmes shtrëngimit, duke kërcënuar me shkurtimin e 17 miliardë dollarëve në financim vjetor federal për sistemin nëse nuk i bindet kërkesave të saj.

Në padi shtohet se këto kërcënime bazoheshin në përçmimin ndaj programeve mësimore të institucioneve, aktiviteteve ekspresive në kampuse dhe nismave për diversitet, barazi dhe përfshirje.