2.000 të burgosur palestinezë u liruan sot nga burgjet izraelite

Gati 2.000 të burgosur palestinezë u liruan sot nga burgjet izraelite në kuadër të fazës së parë të marrëveshjes së armëpushimit në Gaza. Sipas njoftimit, autobusët që transportonin më shumë se 1.700 të burgosur të liruar nga burgu Negev në jug të Izraelit mbërritën në Rripin e Gazës.

“Në bazë të marrëveshjes aktuale, janë liruar 250 të burgosur që po vuanin dënime të përjetshme ose të gjata, si dhe 1.718 të arrestuar nga Gaza pas 7 tetorit 2023”, thuhet në deklaratën e zyrës.

Shërbimi i Burgjeve të Izraelit, nga ana e tij, konfirmoi se 1.968 të burgosur palestinezë janë liruar në kuadër të marrëveshjes së armëpushimit në Gaza.

Mijëra palestinezë u mblodhën për të mirëpritur të burgosurit e liruar, me qindra që u grumbulluan në oborret e spitalit, ndërsa të tjerë prisnin jashtë për mbërritjen e tyre.