Kallëzim penal ndaj një 52-vjeçari nga Shkupi për armëmbajtje pa leje

Sektori për Punë të Brendshme Shkup ka ngritur kallëzim penal kundër L.S. (52) nga Shkupi, për shkak të dyshimit të bazuar se ka kryer veprën penale “përpunimi, mbajtja, ndërmjetësimi dhe tregtimi i paautorizuar i armëve ose materieve shpërthyese”.

Sipas policisë, më 05.09.2025, gjatë një bastisjeje të kryer në shtëpinë e të denoncuarit, janë gjetur dhe sekuestruar një pistoletë, dy krehra për pistoletën dhe disa fishekë.

Materialet e rastit janë dorëzuar në Prokurorinë kompetente për procedurë të mëtejshme.TS