Rusia humb helikopterin luftarak Ka-52, thotë blogeri rus pro-luftës

Forcat ruse kanë humbur një helikopter luftarak Ka-52 “Alligator” së bashku me ekuipazhin e tij.

Fighterbomber, një bloger ushtarak rus pro-luftës, i afërt me Forcat Hapësinore të Rusisë, konfirmoi humbjen e helikopterit, transmeton Telegrafi.

Fighterbomber postoi një foto të një Ka-52 të hënën, më 27 tetor, të shoqëruar me mesazhin “Fluturim i përjetshëm, vëllezër” – me sa duket duke treguar vdekjen e ekuipazhit.

Nuk ka pasur deklarata zyrtare nga autoritetet ruse që konfirmojnë humbjen e helikopterit, dhe forcat mbrojtëse të Ukrainës nuk kanë raportuar shkatërrimin ose dëmtimin e tij.

Ka-52, me nofkën Alligator (emri i raportimit të NATO-s Hokum B), është një helikopter rus që përdoret për të zbuluar dhe goditur objektiva tokësore.