31-vjeçari nga Shkupi arrestohet pas denoncimit të bashkëshortes për kërcënime

Më 26.11.2025, rreth orës 11:40, në Shkup, nëpunës policorë nga SPB Shkup kanë privuar nga liria M.K. (31) nga Shkupi, pas një denoncimi të bërë më herët nga bashkëshortja e tij 30-vjeçare, me të cilën ai ndodhet aktualisht në procedurë shkurorëzimi.

Sipas njoftimit të policisë, gruaja ka raportuar se ai i kishte drejtuar kërcënime, çka ka bërë që organet e rendit të ndërhyjnë menjëherë dhe ta arrestojnë të dyshuarin për të parandaluar përshkallëzimin e situatës.

Personi është shoqëruar në stacion policor, ku është intervistuar dhe janë mbledhur provat e nevojshme. Nga SPB Shkup bëjnë të ditur se pas dokumentimit të plotë të rastit do të përgatitet dhe dorëzohet kallëzimi penal përkatës në Prokurorinë Publike.TS