Barazimi i tretë radhazi në ligë, Reali e humb kreun

Real Madridi e ka marrë barazimin e tretë radhazi në ligë, duke humbur kështu kreun e tabelës.

Reali barazoi në udhëtim me Gironan në “Montilivi”, me shifrat prej 1-1.

“Los Blancos” mori barazimin e tretë rresht, pasi më parë u ndalë nga Rayo Vallecano e Elche, të dy këto ndeshje në udhëtim.

Serinë e golave në ndeshje e hapi Azzedine Ounahi në minutën e 45-të të ndeshjes.

Me rezultatin prej 1-0 u mbyll edhe pjesa e parë, me të dytën që nisi më mirë për Realin.

Reali shënoi dy herë përmes Mbappes dhe Viniciusit, por që dy golat u anuluan, njëri shkaku i lojës me dorë e tjetri për offside.

Megjithatë, më në fund, në minutën e 67-të, Reali barazoi me anë të Mbappes, i cili shënoi nga pika e bardhë.

Kështu, Reali me këtë barazim shkon në kuotën e 23 pikëve, në vendin e dytë, teksa Barcelona është e para – pas fitores me Alavesin dje – me 24 pikë.