Dy të mitur nga Grupçini kapen me marihuanë

Më 19.11.2025, rreth orës 20:40, në rrugën rajonale Tetovë–Shkup, në nyjen e Grupçinit, punonjësit e policisë nga Departamenti Policor Grupçin ndaluan dy të mitur, të moshës 15 dhe 16 vjeç, nga fshati Grupçin.

Siç njofton TetovaSot, gjatë kontrollit të automjetit të tipit “Volkswagen Golf” me targa të Tetovës, me të cilin ata po udhëtonin, si dhe gjatë kontrollit personal, u gjet dhe u konfiskua marihuanë.

Të miturit u ndaluan në stacionin policor dhe, pas dokumentimit të plotë të rastit, ndaj tyre do të ndërmerren parashtresat përkatëse.TS